லெஜெண்ட்ஸ் லீக் மாஸ்டர்ஸ் டி.20: கம்பீர், உத்தப்பா அதிரடியில் இந்தியா மகாராஜாஸ் முதல் வெற்றி
3/15/2023 5:45:56 PM
தோகா: இந்தியா மகாராஜாஸ், ஆசிய லயன்ஸ், உலக ஜெயன்ட்ஸ் அணிகள் பங்கேற்றுள்ள லெஜெண்ட்ஸ் லீக் மாஸ்டர்ஸ் டி.20 தொடர் கத்தார் தலைநகர் தோகாவில் நடந்து வருகிறது.இதில் முன்னாள் வீரர்கள் பங்கேற்று ஆடி வருகின்றனர். ஒவ்வொரு அணியும் மற்ற அணியுடன் தலா 2 முறை மோதும். லீக் முடிவில் முதல் இடம் பிடிக்கும் அணி இறுதிபோட்டிக்கு தகுதி பெறும். மற்ற 2 அணி எலிமினேட்டர் போட்டியில் மோதும். நேற்றிரவு நடந்த 4வது லீக் போட்டியில் இந்தியா மகாராஜாஸ் -ஆசிய லயன்ஸ் மோதின. டாஸ் வென்ற இந்தியா பந்துவீச்சை தேர்வு செய்ய முதலில் பேட்டிங் செய்த ஆசிய லயன்ஸ் 20 ஓவரில் 5 விக்கெட் இழப்பிற்கு 157 ரன் எடுத்தது.
உபுல் தரங்கா 69 (48 பந்து), தில்ஷான் 32, அப்துல் ரசாக் 27 ரன் எடுத்தனர். இந்திய பவுலிங்கில் ரெய்னா 2 விக்கெட் வீழ்த்தினார். பின்னர் களம் இறங்கிய இந்தியா 12.3 ஓவரில் விக்கெட் இழப்பின்றி 159 ரன் எடுத்து 10 விக்கெட் வித்தியாசத்தில் அபார வெற்றி பெற்றது. ராபின் உத்தப்பா 88 (39 பந்து, 11 பவுண்டரி, 5 சிக்சர்), கம்பீர் 61 (36 பந்து,12 பவுண்டரி, ரன் அடித்தனர். முதல் 2 போட்டியில் தோல்வி அடைந்த இந்தியா முதல் வெற்றிபெற்றது. இன்று இரவு 8 மணிக்கு இந்தியா -உலக ஜெயன்ட்ஸ் அணிகள் மோதுகின்றன.
