திருப்புவனம், அருப்புக்கோட்டை பகுதிகளில் ஓபிஎஸ்ஸை கண்டித்து சுவரொட்டிகள்
3/26/2023 5:15:32 PM
திருப்புவனம்: திருப்புவனம் மற்றும் அருப்புக்கோட்டை பகுதிகளில் ஓபிஎஸ்சை கண்டித்து எடப்பாடி தரப்பினர் சுவரொட்டி ஒட்டியுள்ளனர். இதனால் பரபரப்பு ஏற்பட்டுள்ளது. தமிழக சட்டமன்றத்தில் எடப்பாடி தரப்பினரும், ஓபிஎஸ் தரப்பினரும் நேற்று முன்தினம் நேருக்கு நேர் மோதிக்கொண்டனர். இந்த சூழ்நிலையில் தமிழகம் முழுவதும் இருதரப்பினரும் ஒருவரையொருவர் தாக்கி சுவரொட்டி யுத்தம் நடத்தி வருகின்றனர். சிவகங்கை மாவட்டம், திருப்புவனம் பகுதியில் ஒபிஎஸ்சை கண்டித்து எடப்பாடி பழனிசாமி தரப்பினர் சுவரொட்டி ஒட்டியுள்ளனர்.
அந்த சுவரொட்டியில், கண்டிக்கிறோம்...கண்டிக்கிறோம்... எடப்பாடியார் தலைமையில் சிறப்பாக இயங்கிவரும் அதிமுகவை அழிக்க நினைக்கும் பதவி வெறி பிடித்த பன்னீர் & வைத்தி-யை வன்மையாக கண்டிக்கிறோம் என வாசகங்கள் அச்சிடப்பட்டுள்ளன. இதுபோன்று விருதுநகர் மாவட்டம், அருப்புக்கோட்டை பகுதியிலும் ஓபிஎஸ்சை கண்டித்து எடப்பாடி பழனிசாமி தரப்பினர் சுவரொட்டி ஒட்டியுள்ளனர். இதனால் திருப்புவனம் மற்றும் அருப்புக்கோட்ைட பகுதிகளில் பரபரப்பு நிலவி வருகிறது.
