பகுதி நேர இன்ஜினியரிங் படிப்பு கவுன்சலிங் 25ல் தொடக்கம்
5/18/2013 12:46:16 PM
சென்னை:பகுதி நேர இன்ஜினியரிங் படிப்புக்கான கவுன்சலிங் மே 25ம் தேதி தொடங்குகிறது.தமிழக அரசு இன்று வெளியிட்ட அறிக்கை:தொழில் நுட்பக் கல்வி இயக்க கட்டுப்பாட்டின் கீழ் இயங்கும் அரசு மற்றும் அரசு உதவி பெறும் பொறியியல் கல்லூரிகளில் 2013&14 கல்வியாண்டுக்கான முதலாம் ஆண்டு பகுதி நேர பொறியியல் படிப்புகளுக்கான கவுன்சலிங் மே 25ம் தேதி முதல் மே 27ம் தேதி வரை கோவை தொழில் நுட்பக் கல்லூரியில் நடைபெறுகிறது.
25ம் தேதி டெக்ஸ்டைல் டெக்னாலஜி (ஜவுளித்துறை) மற்றும் சிவில் இன்ஜினியரிங் (கட்டிடவியல்), 26ம் தேதி மெக்கானிக்கல் இன்ஜினியரிங் (இயந்திரவியல்), 27ம் தேதி எலக்டிரிக்கல்(( இஇஇ), எலக்ட்ரானிக்ஸ்(இசிஇ), கணிணி( சிஎஸ்இ) கவுன்சலிங் நடைபெறும். மேலும் விவரங்களை www.tndteptbe.com என்ற இணையதளத்தில் தெரிந்து கொள்ளலாம்.
விண்ணப்பித்துள்ள தகுதியான மாணவர்களுக்கு கவுன்சலிங் அழைப்பு கடிதம் தபாலில் அனுப்பப்பட்டுள்ளது. கடிதம் கிடைக்கப் பெறவில்லையெனினும் தகுதியுள்ள மாணவர்களும் மேற்கண்ட தேதியில் அசல் சான்றிதழ்களுடன் கவுன்சலிங்கில் கலந்து கொள்ளலாம்.இவ்வாறு அறிக்கையில் கூறப்பட்டுள்ளது.
