ஸ்ரீசாஸ்தா கல்வி குழுமம் சார்பில் மாணவர்களுக்கான திறன் மேம்பாட்டு பயிற்சி
4/3/2014 3:12:51 PM
திருவள்ளூர்:செம்பரம்பாக்கம் ஸ்ரீசாஸ்தா கல்வி குழுமங்களின் சார்பில் மாணவர்களுக்கான திறன் மேம்பாட்டு பயிற்சி முகாம் நந்தம்பாக்கம் வர்த்தக மையத்தில் நேற்று நடந்தது. கல்லூரி தலைவர் ஜம்புலிங்கம் தலைமை வகித்தார். துணை தலைவர் கார்த்திகேயன், செயலாளர் கோபி நாராயணன் முன்னிலை வகித்தனர். ஸ்ரீசாஸ்தா பொறியியல் மற்றும் தொழில்நுட்ப கல்லூரி முதல்வர் வரதராஜன் வரவேற்றார். முகாமில் எல் அண்ட் டி நிறுவன முதன்மை மேலாளர் ரவிக்குமார் மட்டா, சாஸ்தா செய்தி மலரை வெளியிட, கல்லூரி தலைவர் ஜம்புலிங்கம் பெற்று கொண்டார்.
கிரியா டெக் சர்வீசஸ் இயக்குனர் அஜிதபிரபு, எச்.ஆர். கன்சல்டன்ட் முதன்மை பயிற்சியாளர் வி.எஸ்.ரவி, ஐபிஎம் இந்தியா பிரைவேட் லிமிடெட் நிறுவன அதிகாரிகள் நரேன் கிருஷ்ணன், எச்சிஎல் இன்போ சிஸ்டம்ஸ் லிமிடெட் நிறுவன மண்டல அதிகாரி ரூபேஸ்குமார், மாணவர்களுக்கு திறன் மேம்பாடு பயிற்சி அளித்தும் பல்வேறு கேள்விகளுக்கு பதிலளித்தும் சந்தேகங்களுக்கு விளக்கமும் அளித்தனர். ஸ்ரீசாஸ்தா பொறியியல் கல்லூரி முதல்வர் வேமுரி லட்சுமி நாராயணா நன்றி கூறினார்.
