பொன்னேரி வேலம்மாள் பள்ளிகளின் ஓவிய கண்காட்சி துவக்கம்
11/7/2013 2:38:24 PM
பொன்னேரி வேலம்மாள் பள்ளிகளின் சார்பில், 72 மாணவர்கள் தாகூரின் கவிதைகளை 130 கருத்தோவியங்களாக தீட்டினர். அவர்களின் ஓவிய அரங்கேற்றம் சென்னை லலித் கலா அகாடமியில் 5 நாள்
ஓவிய கண்காட்சியாக பொதுமக்கள் பார்வைக்கு வைக்க முடிவு செய்யப்பட்டது. இதன் தொடக்க விழா நேற்று நடந்தது. வேலம்மாள் கல்விகுழு இயக்குனர் எம்.வி.எம்.சசிகுமார் தலைமை வகித்தார்.
தாளாளர் எம்.நாகமுத்து முன்னிலை வகித்தார். வேலம்மாள் சர்வதேச பள்ளி முதன்மை முதல்வர் கோதண்டராமன், முதல்வர் சாந்தி வரவேற்றனர். சென்னை அரசு கவின்கலை கல்லூரி முன்னாள்
முதல்வர் அல்போன்ஸ் கண்காட்சியை தொடங்கிவைத்து பார்வையிட்டார். ஓவியர் டிரஸ்கி மருது குத்து விளக்கேற்றினார். ஐதராபாத் பல்கலைக்கழக ஓவியத்துறை பேராசிரியர் சாரதா நடராஜன்
சிறப்புரையாற்றினார். சென்னை லலித் கலா அகாடமி செயலாளர் ஆர்.எம்.பழனியப்பன் விழா மலர் வெளியிட்டார். ஓவியத்துறை தலைவர் பிவீஷ் நன்றி கூறினார்.
