நலத்திட்ட உதவிகள் வழங்கும் விழா
6/24/2019 3:08:33 PM
மாமல்லபுரம்: மாமல்லபும் நகர அரிமா சங்கம் சார்பில் ஏழைகளுக்கு நலத்திட்ட உதவிகள் வழங்கும் விழா மற்றும் 2019-20ம் ஆண்டிற்கான புதிய நிர்வாகிகள் பதவி ஏற்பு விழா நடந்தது. தற்போதைய அரிமா சங்க தலைவர் ஓம்பிரகாஷ் ரத்தோர் தலைமை வகித்தார். செயலாளர் டி.புனிதவேல், பொருளாளர் எஸ்.சிவகுமார் முன்னிலை வகித்தனர். மாமல்லபுரம் நகர அரிமா சங்க புதிய தலைவராக வி.பாலச்சந்தர், செயலாளராக ஏ.விஜயசேகர், பொருளாளராக சி.ராமச்சந்திரன் ஆகியோருக்கு சங்க மாவட்ட 2ம் துணை ஆளுநர் கே.அய்யனாரப்பன் பதவி பிரமாணம் செய்து வைத்தார். நிகழ்ச்சியை முன்னிட்டு, நலிவடைந்த ஏழை பெண்களுக்கு துணிகள், விதவைகளுக்கு தையல் இயந்திரம், பள்ளி, கல்லூரி மாணவர்களுக்கு கல்வி உதவித்தொகை வழங்கப்பட்டன.
