வீடிழந்த குடும்பத்துக்கு ஜெகத்ரட்சகன் நிதியுதவி
6/24/2019 3:11:47 PM
பள்ளிப்பட்டு: ஆர்.கே.பேட்டை அடுத்த கதனநகரம் ஊராட்சிமன்ற தலைவராக இருந்தவர் தன்ராஜ். இவர், தனது விவசாய நிலத்தில் வசிக்கிறார். நேற்று முன்தினம் இரவு வீட்டில் தன்ராஜின் மனைவி சமையல் செய்ய கேஸ் ஸ்டவ்வை பற்றவைத்தபோது கேஸ் கசிவு ஏற்பட்டு தீப்பற்றி எரிந்தது. இதனால் வீட்டில் இருந்த அனைவரும் வெளியில் ஓடிவந்துவிட்டனர். இதன்பிறகு வீடு முழுவதும் தீப்பிடித்து வீட்டில் உள்ள பொருட்கள் எரிந்து நாசமானது. இதுகுறித்து தகவல் அறிந்ததும் ஒன்றிய திமுக நிர்வாகிகள் நேற்று தன்ராஜ் வீட்டுக்கு வந்து, அவரது குடும்பத்தினருக்கு ஆறுதல் கூறினர். எஸ்.ஜெகத்ரட்சகன் எம்பி தனது சொந்த பணத்தில் இருந்து ரூ.25 ஆயிரம் தன்ராஜிடம் வழங்கினார்.
