லாரி மோதி பால் வியாபாரி பரிதாப சாவு
6/24/2019 3:10:58 PM
அண்ணாநகர்: முகப்பேரை சேர்ந்தவர் லிங்கதுரை(21). பால் வியாபாரியான இவர் வழக்கம் போல இன்று அதிகாலை வேலப்பன்சாவடியில் கடைக்கு பால் பாக்கெட் கொடுக்க மோட்டார் சைக்கிளில் சென்று கொண்டிருந்தார். பூந்தமல்லி நெடுஞ்சாலை சென்றபோது, அவ்வழியாக வந்த லாரி, மோட்டார் சைக்கிள் மீது மோதியதில் லிங்கதுரை நிலை தடுமாறி கீழே விழுந்தார். அவர்மீது லாரியின் சக்கரம் ஏறியத்தில் லிங்கதுரை சம்பவ இடத்திலேயே உடல் நசுங்கி பரிதாபமாக இறந்தார். லாரி ஓட்டுநர் அங்கிருந்து தப்பி ஓடிவிட்டார். தகவலறிந்த கோயம்பேடு போக்குவரத்து புலனாய்வு பிரிவு போலீசார், இறந்துபோன லிங்க துரை உடலை மீட்டு பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். லாரி ஓட்டுநரை தேடி வருகின்றனர்.
