விடுதலை சிறுத்தைகள் கட்சியின் காஞ்சி நாடாளுமன்ற தொகுதி தேர்தல் பணிக்குழு பொறுப்பாளர்கள் கூட்டம்
2/28/2019 3:24:25 PM
செங்கல்பட்டு: விடுதலை சிறுத்தைகள் கட்சியின் காஞ்சி நாடாளுமன்ற தொகுதி வாக்குச்சாவடி முகவர் மற்றும் தேர்தல் பணிக்குழு பொறுப்பாளர்கள் ஆலோசனை கூட்டம் செங்கல்பட்டில் நேற்று நடந்தது. மாவட்ட செயலாளர் இரா.தமிழரசன் தலைமை வகித்தார். நாடாளுமன்ற தொகுதி செயலாளர் பாசறை செல்வராஜ் முன்னிலை வகித்தார். இதில் சிறப்பு அழைப்பாளராக கட்சியின் பொது செயலாளர் துரை.ரவிக்குமார், மண்டல செயலாளர் சூக.விடுதலை செழியன் ஆகியோர் வாக்குச்சாவடி முகவர்கள் தேர்தல் பணிக்குழு பொருப்பாளர்களுடன் ஆலோசனை நடத்தினார். இதில், நாடாளுமன்ற தேர்தலுக்கு கடுமையாக உழைக்க வேண்டும், திமுக- காங்கிரஸ் கூட்டணி சார்பில் நிறுத்தப்படும் வேட்பாளரை வெற்றி பெற செய்ய வேண்டும்’ என்றார்.
கூட்டத்தில், தெற்கு மாவட்ட செயலாளர் சூக.ஆதவன், மேற்கு மாவட்ட செயலாளர் பு.பே.கலைவடிவன், கிழக்கு மாவட்ட செயலாளர் சூக.ராஜ்குமார், செங்கல்பட்டு சட்டமன்ற தொகுதி செயலாளர் கேது தென்னவன், மாவட்ட பொருளாளர் திவ.எழிலரசு, மாவட்ட இளைஞரணி செயலாளர் சாந்தன், ஒன்றிய செயலாளர் ராஜ்குமார், நகர செயலாளர் ரவீந்திரன், மகளிரணி பொறுப்பாளர்கள் காஞ்சனா, மாலதி, உள்பட பலர் கலந்து கொண்டனர்.
